22 تصريحًا لريهام عبد الغفور: أرفض القبلات «عشان بقرف».. ولا أفكر في ارتداء الحجاب
22 تصريحًا لريهام عبد الغفور: أرفض القبلات «عشان بقرف».. ولا أفكر في ارتداء الحجاب

22 تصريحًا لريهام عبد الغفور: أرفض القبلات «عشان بقرف».. ولا أفكر في ارتداء الحجاب حسبما ذكر التحرير الإخبـاري ينقل لكم موقع صحيفة الوسط محتوي خبر 22 تصريحًا لريهام عبد الغفور: أرفض القبلات «عشان بقرف».. ولا أفكر في ارتداء الحجاب .

صحيفة الوسط - ملخص

حاورت الإعلامية سمر يسري، الفنانة ريهام عبد الغفور، في حلقة حملت جرأة غير معتادة عن الأخيرة، وحاولت خلالها جاهدةً تغيير وجهة نظر الجمهور عنها من أنها الفنانة الرقيقة..

الفنانة ريهام عبد الغفور، ابنة الممثل ونقيب الممثلين الأسبق أشرف عبد الغفور، تخرجت في كلية التجارة قسم اللغة الإنجليزية، وقد كانت أول أعمالها من خلال مسلسل "العائلة والناس" عام 2000، ومن ثم انطلقت في أدوار معظمها ارتدت خلالها ثوب الفتاة الرقيقة، وهي النظرة التي كوّنها الجمهور عنها، وحلّت للمـرة الأولي ضيفة على الإعلامية سمر يسري، في برنامجها "أنا وأنا"، عبر فضائية "ON E" محاولةً تغيير وجهة نظر الجمهور عنها، بعدما نجحت في تغييّر جلدها الفني أضـخم من مرة، وأثبتت نجاحها، وإليكم أبرز تصريحاتها.

1- مش مثقفة ولا مطلعة.. وفيسبوك كان سبب في تنمية معلوماتي شوية.. السوشيال ميديا مش بتأثر فيّا خالص.. لكن فاهمة أهميتها بالنسبة للفنانين.. بقينا في عصر صراع الفلورز بين الفنانين.. بقيت بحب أقول رأيي.. كنت زمان بخاف أقول رأيي.. وأنا مابفهمش خالص في السياسة.

2- إحنا في مصر مش بنحافظ على حاجتنا، ثقافة عامة عندنا إننا مانحافظش على ممتلكاتنا وآثارنا، بدليل إنهم بيحافظوا على آثارنا برة وبيقدروا قيمتها أضـخم مننا.. لما بشوف آثارنا برة بتضايق إنها مش عندنا، لكن بنبسط إن الناس بتشوف تاريخنا.

3- أنا مع السماح لليهود بالاحتفال بمولد أبو حصيرة في دمنهور.. اليهود مش كلهم صهاينة.. من حقهم يتعبدوا بطريقتهم حتى وإن كان في مصر.. لا دخل للدين في السياسة.. والدين لله.. وأنا ضد التعميم حتى وإن كان مع الإسرائيليين، ومش كل الإسرائيليين لهم علاقة بالسياسة.

4- أنا مع ضرورة إخطار الزوج لزوجته الأولى إذا ما أراد الزواج عليها.. هتجرح لو زوجي أقر يتزوج عليّا.. وممكن أسامح في الخيانة لو لقيتني ضغطت عليه أو جرحته أو اديته طاقة كُره وعدم محبة فاتسببت في إنه يخوني.. أكيد هو لازم يدور على واحدة تديه حنان وأمان.. أنا مع إني أدي عذر للراجل الخائن ونشوف خان ليه.. كلنا بنغلط والضعف الإنساني فينا كلنا.

5- بدأت شغل صحيفة الوسط من وأنا 19 سنة.. كنت بادئة "كتكوتة وبتكسف أوي"، وكنت بتكسر بسرعة جدًا، ومع الإحباطات اللي حصلتلي من فشل أعمال وتجارب مختلفة نِشفت شوية.

6- ابني عنده 16 سنة.. وقالي من فترة "مشكلتك يا ماما إنك مُهزءة وسايبة الناس تدوس عليكي".. وكلمته دي أثرت فيّا جدًا وكان ليّا واقفة مع نفسي ومبقتش بسيب حد يدوس عليّا.

7- اتجوزت صغيرة أوي.. واطلقت صغيرة أوي.. مكنش بيعاملني وحش ولكن كنا صغيرين ومش قد تحمل المسئولية.. هو خاني فمقدرتش أسامحه.. جوازتي الأولى أول صدمة في حياتي لما خاني.. وكان عندي غضب من أهلي إنهم بيدافعوا عنه.. وحصل مشكلة كبيرة بيني وبينهم إني أرجع لزوجي وبالفعل رجعت وقولت عشان خاطر ابني، ولكن للأسف إنه خاني للمرة التانية واطلقت تاني.. ولكن المرة التانية أنا ماتجرحتش لأني فعلًا كنت مقصرة ولكني اطلقت.

8- اتجوزت مرة تانية من واحد قريب مني في كل حاجة، والحمد لله حياتي ماشية.. زعلانة من زوجي دلوقتي إنه مش بيقول كلام حلو كتير.. كل ما الواحد يكبر يكون عايز يدلع أكتر.. محتاجة يعبر أكتر عن مشاعره.. أنا محتاجة دعم.. ممكن اغسل شاب زوجي ومعنديش أي مشكلة في ده.. لكن مش هعمل ده بإذلال سيد السيد لأمينة.. هعمل لجوزي عشان بحبه مش عشان خايفة منه.. زوجي الحالي نصه ألماني ونصه مصري ومع ذلك عنده حتة شرقي كبيرة، بيغير جدًا، ولكن أنا أصلًا مش بعمل أدوار جريئة.. ومجليش أدوار حتى الآن رفضتها عشان جوزي.

9- مامتي ربتني على الخوف.. كنت خوافة جدًا.. بخاف الناس تزعل أو أقول رأيي.. ولكن دلوقتي ده اتغير تمامًا.. كنت شخصية مستسلمة.. وده كان نابع من صرامة أمي في البيت.. علاقتنا كويسة جدًا ولكنها شخص قوي جدًا.. وده كان له تأثير كبير عليّا.. علاقتي بأهلي عمرها ما كان فيها صدام.. وحتى لو في خلافات مع أمي بحاول أوصلها رأيي لكن بخاف منها لحد دلوقتي.

10- علاقتي بابني عكس علاقة أمي بيّا تمامًا.. مدياه الحرية تمامًا بعكس أمي.. تربية أمي عملتلي عُقدة.. من خوفي إنها تزعل.. في تهديد في علاقتنا.. لكن ده مش مع ابني وله الحق إنه يعمل أي حاجة.. ولو خلِفت بنت هديها كل الحرية والثقة وهدعم كل اختياراتها.

11- أبويا شخص غير عادي.. عمره ما خذلني في حياتي.. هو دايمًا السند والضهر والأمان والدعم.. أبويا بيقبلني بعيوبي وباختياراتي ودائمًا وأبدًا في ضهري.. وأنا بعامل ابني زي ما هو بيعاملني.. كان خايف عليّا من أعباء المهنة في البداية.. والوقت الوحيد اللي اختلفت معاه فيه لما كان نقيب الممثلين.. خاصةً لما أصدر قرار بوقف دينا الشربيني وقولتله بلاش ولكنه أصدر القرار وفقًا للوائح.

12- أنا اتجرأت شوية مع السن والخبرة.. بقيت ببص للمواضيع بشكل مختلف.. لكن في حاجات معينة ده سقفي فيها ومينفعش تتغير.. وأولها البوسة تحديدًا عشان بقرف.. مش حاسة إني عندي مقدرة أعمل ده.. وأنا بلبس مايوه في صحيفة الوسط.. ولو جالي دور أظهر فيه بمايوه هفكر وهقرر على حسب الدور.. وأنا عايزة الناس تتقبلني زي ما أنا مش زي ما هما واخدين فكرة عني.. أنا عايزة الناس تقبلني بعيوبي لأني مش ملاك.. عايزة الناس تعرفني زي ما أنا ومش مشكلة إن في حد يكرهني.. وفي ناس فعلًا غيّرت وجهة نظرها فيّا وحصلها صدمة بعد ما شافوني لابسة فستان واسع أو شورت.

13- الناس كانت شايفاني مُملة.. لكن أفكاري اتغيّرت في كل شيء.. كنت بخاف من ربنا أكتر من حبي له.. لكن دلوقتي أيّقنت تمامًا إن رحمته أكبر بكتبر من عذابه وعقابه.. الدين المعاملة والدين الأخلاق.. كنت سطحية.. لو شوفت واحدة لابسة عريان شوية كان بيجي جوايا أفكار مش كويسة عنها.. والحمد لله إني مبقتش كده.. أنا ليه أحكم على حد؟ في ناس بتلبس عريان وبيشربوا خمرة لكنهم عندهم أخلاق وصادقين وأمناء.. وهما أحرار.. اللي يشرب خمرة له كامل الحرية الشخصية.. 

14- أنا اتعلمت التمثيل من يحيى الفخراني.. وسلوى محمد علي كان ليها فضل كبير في تغييري فكريًا، وهي شخصية من الشخصيات اللي غيّرتني تمامًا.. و"لا تطفئ الشمس" من أهم أعمالي.. حبت الشغل ده بكل صُناعه.. وفي احترام كبير جوايا تجاه المسلسل ده.. وحصل بيني وبين محمود الليثي أُلفة كبيرة وبحبه جدًا.

15- عملت أفلام كتير ملهاش لازمة.. لكن دلوقتي تأكدت إن المهم أسيب أدوار مهمة أكتر من أني أعمل بطولة فيلم ملوش لازمة.. "بالعربي سندريلا" ندمت أوي عليه .. مش ذوقي ولا اختياري.. دلوقتي مبقاش عندي التخلف بتاع إني أوافق على فيلم زي ده.. شبه أفلام المقاولات شوية.. مش فيلم مهرجانات ولا تجاري.. وماجد الكدواني من أهم الممثلين في مصر.. ومش ندمانة على "جاي في السريع" مع إنه لم ينجح.. ولا أندم على أي عمل قدّمته مؤخرًا.. ومفيش مسلسل ندمانة عليه.

16- علاقتي بدأت بتامر حبيب لما روحت قولتله "ليه كل البنات زمايلي أصحابك وأنا لأ؟" ومن هنا بدأت علاقتنا.. ومنى زكي هتفضل أكتر حد في المجال بحترمه ومثل أعلى ليّا.. وشريف منير ممثل أشطر من اللازم ومكانه مش في مصر.

17- دور الراقصة في حارة اليهود بين الانتقادات وزعل أمي.. أنا مش راقصة ومعنديش ليونة الرقص.. الرقص حاجة جميلة كنت أتمنى أعملها.. اتمرّنت كتير واكتشفت إني فاشلة جدًا في الرقص لحد ما روحت لمدام لوسي علمتني.. ومعنديش مشكلة أعمل دور راقصة تاني.. وشايفة إني عملت دور كويس في المسلسل.. مامتي قطعتني كتير بسبب الدور ده.. مع إني في حياتي العادية بلبس أجرأ من ده.. وكنت مراعية إني في رمضان وإني أمي هتشوف.. ظهرت بلبس مقفل جدًا ومع ذلك أمي زعلت.. لحد ما أقنعتها.. محدش في عيلتي عاملي أي خطوط حمراء إلا والدتي.. أمي مثلًا من أسباب ظهوري بلبس متحفظ في دور راقصة حارة اليهود.. مامتي متحفظة زيادة ولما لبست حاجة مفتوحة شوية اضايقت.

18- بقالي سنين معملتش بطولة مطلقة.. وأنا عايزة أعمل بطولة مطلقة لكن لسه الوقت مجاش ومش مستعجلة.. وناقصني ثقة أكتر.. المنتجين واثقين فيا كممثلة وليس كنجمة تقوم ببـيع.

19- بضايق من الانتقادات لكن إذا كانت صح باخد بالي.. وقت مهرجان الجونة لما لبست شورت على البحر اتشتمت كتير أوي.. لما كنت رايحة أحضر العرض الخاص لـ"فوتو كوبي"، والناس اتصدمت لما شافتني والجمهور اتفاجأ.. كنت لابسة شورت في الجونة على البحر مش في دار الأوبرا.. وكنت مستأذنة أمي خوفًا من زعلها لأن زعلها وحش بصراحة.. بتتقمص وتقفل السكة في وشي.. من سنتين تلاتة نزلت صورة مع جوزي بشورت على البحر اتشتمت جدًا لدرجة إني حذفت الصورة.. أنا مدعتش إني محجبة.. وأكيد أما أكون على البحر هلبس لبس البحر.

20- المجتمع المصري فيه نفاق أخلاقي.. أنا مش بعمم لكن في محجبات "مُدعين".. أنا أختي محجبة.. لكن الأخلاق ملهاش علاقة باللبس.. ممكن أكون لابسة قصير لكن محترمة.. ومفكرتش قبل كده اتحجب.. ولما بخرج بروح أماكن كتير فيها شُرب.. كل واحد حُرّ.. طالما مش بضّر حد يبقى أنا حُرّة.

21- كنت هتشل لما والدي راح زار مرشد الإخوان وهو في منصب النقيب.. لكني كنت متأكد إنها نابعة من حسن نيته.. مكنتش خطوة صح ووقع في خطأ.. أبويا مش إخوان.. ده خطأ شائع بسبب إنه عمل مسلسلات كتير دينية.. أبويا عمره ما كان إخوان.. وأكيد لو كان إخوان مكنتش هكون أنا ممثلة.

22- رسالتي الأخيرة للناس إني مش ملاك وبحاول أكون حقيقية.. ومش عايزة الناس يقفولي على الوحدة.. وإن حياتي الشخصية ملك ليّا.

برجاء اذا اعجبك خبر 22 تصريحًا لريهام عبد الغفور: أرفض القبلات «عشان بقرف».. ولا أفكر في ارتداء الحجاب قم بمشاركتة الخبر على مواقع التواصل الإجتماعي . يمكنك ايضا متابعة كافة الاخبار عن طريق فيسبوك وتويتر .

المصدر : التحرير الإخبـاري