«المصري كيدز».. حدوتة منزل لولو للحيوانات
«المصري كيدز».. حدوتة منزل لولو للحيوانات

«المصري كيدز».. حدوتة منزل لولو للحيوانات حسبما ذكر المصرى اليوم ينقل لكم موقع صحيفة الوسط محتوي خبر «المصري كيدز».. حدوتة منزل لولو للحيوانات .

صحيفة الوسط - لمتابعة اخبار المرآة .. اشترك الان

كان فيه بنوتة جميلة اسمها «لمى» وبيدلعوها يقولولها: «لولو».. و«لولو» كانت شاطرة، وبتعرف تتعلم كل حاجة ببساطة.. وبتحب الحواديت أوى.. وكان طول الوقت بابا وماما وعمتو بيحكولها حكايات جميلة عن الطيور والحيوانات والزرع وكل حاجة جميلة.. ولأن «لولو» حبت كل الحيوانات اللى فى الحواديت، أقرت تعزمهم كلهم عندها فى البيت وتطبخلهم بنفسها أحلى أكل يحبوه.. بس البيت كان صغير والباب بتاعه مش هينفع يدخل منه الفيل النونو، صاحب «لولو»، ولا الزرافة الجميلة بتاعة الحدوتة ولا سيد قشطة هو وكل الحيوانات.. ولإنها عندها خيال قوى وجميل من كتر الحواديت اللى بتسمعها وبتحبها، أقرت تعمل بيت يعيش فيه كل الحيوانات والطيور أصحابها اللى بتحبهم.. ولما رجعت من الحضانة طلبت من بابا يجيبلها كراسة رسم كبيرة وجميلة، وكتبت عليها من برة بخطها الجميل: «منزل لولو للطيور والحيوانات الجميلة»، وقسمت كل الصفحات عليهم، كإن كل صفحة أوضة.. يعنى بقى فيه أوضة للفيل النونو، وأوضة للزرافة «زوزو»، وأوضة للقرد «دودو»، وباقى الصفحات لكل الحيوانات والطيور..

وبعد كدة ابتدت ترسم فى كل صفحة حيوان أو طير وترسم الأكل اللى بيحبه.. رسمت حبوب كتير للطيور والعصافير ورسمت موز للقرد ورسمت أكل كتير وطعمه جميل.. وبعد كده بقت تصحى من النوم تطمن على البيت بتاعها وتتأكد إن الأكل الموجود لسه ما خلصش.. وبقت تاخد بابا وماما وعمتو وكل الناس اللى بتحبهم وتخليهم يزورو البيت ويتفرجو على الحيوانات والطيور وتحكيلهم حكايات كتيرة وجميلة عن مغامراتها معاهم ورحلاتهم الجميلة اللى بيعملوها كل يوم.. ولإن ماما وبابا وعمتو عجبهم البيت الجميل، قررو يساعدو «لولو» ويجيبولها كراسات رسم جديدة وألوان كتيرة علشان «لولو» تبنى بيوت جديدة وتعزم حيوانات وطيور أكتر يعيشوا معاها.. و«لولو» فرحت أوى ورسمت ولونت بيوت كتير جديدة وعزمت كل أبطال الحواديت من طيور وحيوانات وعملت معاهم مغامرات وطلعو رحلات وبقت تحكى لكل أصحابها فى الحضانة عن كل الرحلات والمغامرات بتاعة «منزل لولو للطيور والحيوانات الجميلة»..

برجاء اذا اعجبك خبر «المصري كيدز».. حدوتة منزل لولو للحيوانات قم بمشاركتة الخبر على مواقع التواصل الإجتماعي . يمكنك ايضا متابعة كافة الاخبار عن طريق فيسبوك وتويتر .

المصدر : المصرى اليوم