الرئيس عبدالفتاح السيسي ، شهد افتتاح مجموعة من المشروعات التنموية في جنوب الوادى، من خلال تقنية الفيديو كونفرانس، وذلك بداخل مركز المنارة للمؤتمرات الدولية، وكان المؤتمر بحضور عدد كبير من الوزراء والمسؤولين وكبار رجال الدولة .
تصريحات الرئيس السيسي
تضمن المؤتمر أهم الرسائل التي قالها الرئيس السيسي، خلال كلمته اليوم، وهي التالي :
- تعمل الدولة على تنفيذ أكبر حجم من الإنتاج في مشروعات الزراعة .
- عاوزين بأقل كمية مياه نطلع أكبر إنتاج للمحاصيل، لذلك دعي المستثمرين للمشاركة في عدد من المشروعات الزراعية التي تنفذها الدولة .
- يجب ان تتم الاستفادة من حجم المياه في مشروعات الزراعة، واضاف سيادته قائلا :
«أنت مستنين لما مشكلة المياه تبقى كبيرة عندك وتضطر إنك تُحرم من كمية المياه بنفس الحجم» .
متابع :
«مش بتكلم عن الموضوع بأنه أزمة قد تكون محتملة، لا هي أزمة محتملة لازم نواجهها ونشتغل عليها لحد ما نخلصها».
_ وعلى مستوى ما لدينا من المياه فأننا حتاج إلى الزراعة نصف كمية المياه، وتم التأكيد علي اهمية تنسيق مشروعات زراعة القصب في نسب استهلاك المياه .
قائلا :
«احنا مكلفين فلوس كتير جدا عشان نزرع أراضي المشروع، عشان من الأول نحط كل النظم اللي تخلينا نستخدم أقل حجم من المياه في الانتاج» .
_ واكد علي ضرورة استخدام نظم الري الحديث لتقليل استهلاك المياه في المشروعات .
«هتقولولي هو إحنا عندنا أزمة مياه، إحنا مش لازم نستنى لما يبقى عندنا أزمة يعني الشغل اللي عملناه في الدولة فيما يخص البنية الأساسية كان ضروري مش زيادات واضطرينا ندفع فيها أرقام كبيرة جدا ولو كانت اتعملت على مدار 20 أو 25 سنة كان تكلفتها أكيد أقل من اللي بنعمله دلوقتي».
واكد ايضا سيادته :
«احنا محتاجين كل إيد مصرية وكل خبرات وكل طاقة عمل وجهد مخلص يشتغل معانا عشان نتجاوز ما نحن فيه».
_ و منذ عام 2011 ازدادت مصر 25 مليون نسمة والدولة تقوم بالعمل على زيادة المشروعات لتغطية هذه الزيادة .
« النهارده احنا بنستخدم 2 مليون طن قمح، ومهما عملنا لن يستطيع انتاجنا من القمح أن يغطي احتياجاتنا فبنضطر نجيبه من برة، على عكس الذرة والذي يمكن أن يغطي جزء بديل للقمح بخلطه مع القمح » .
_ تصل تكلفة رغيف الخبز الآن لجنيه وربع وتمت الاشارة أن الدولة تدعم رغيف الخبر بـحوالي 130 مليار جنيه سنويا، قائلًا :
«الرغيف أبوشلن بيكلفنا جنيه وربع» .
وتحدث الرئيس السيسي ايضا عن انقطاع الكهرباء في الدولة ، قائلًا :
«عشان نخلي الكهرباء شغالة 24 ساعة ومفيش قطع للكهربا، لازم أخلي تمنها لوزير الكهرباء أد تمنها مرتين تلاتة، ولو خدت تمن الكهرباء الحقيقية هضاعف تمنها مرتين طب الغلبان هيروح مني فين ، فأقطع الكهرباء ولا أغليها ؟ » .
_ وفي اخر اللقاء شدد أن الدول تتم ادارتها بالجدية والمسؤولية والفهم .