تداولت مواقع التواصل الأجتماعي فيسبوك و تويتر و إنستجرام فى الفترة الأخيرة أخبار عن خطوبة الفنانة المصرية حورية فرغلى و الإعلامي العراقي نزار الفارس ، حيث نشر الإعلامي نزار الفارس فيديو له بصحبة الفنانة حورية فرغلي من حلقة برنامجه الخاص يظهر في نهاية الفيديو وهو يطلب أيد حورية فرغلي و قال لها أنا بتقدم ليكى على الهواء مبروك عليكى أنا و كان رد فعل حورية فرغلي مبروك عليك أنا و بعدها بدأ نزار الفارس و حورية فرغلي بالرقص معا على ألحان أغنية للمطرب ماجد المهندس ، و لكن جاءت الصدمة عندما كذبت الفنانة حورية فرغلي كل ما قاله المذيع العراقي نزار الفارس بما يتعلق عن خطوبتهم مؤكدة أن الموضوع لم يكن أكثر من استضافتها له فى بيتها لتصوير حلقة معها ليقوم بعرضها فى برنامجه و أعلنت الفنانة حورية فرغلي انها سوف تقوم بمقاضاته .
حقيقة خطوبة حورية فرغلى و نزار الفارس
علقت الفنانة حورية فرغلي على الجدل الذي أثاره المذيع العراقي نزار الفارس بعد إعلان خطبتهما و قالت حورية فرغلي : أنا نفسيا مش كويسة و حاسة أني عايشة فى كابوس من أول امبارح مش حاسة أني عايشة فى دنيا حاسة أني فى غابة و ده مذيع بقاله أسبوعين بيحاول يعمل معايا لقاء و قالي أنه عراقي أنا كنت شفت لقائه مع رانيا يوسف مرة قولتله أوك و قولنا نصور فى البيت و أنا قولت أوك و ساكنة قدام نادي الجزيرة و المنظر حلو و أنا قولت ده كله بيصوروا و ضيف عندي فى البيت .
كما أكلمت الفنانة حورية فرغلي حديثها قائلة : أولاً الأسئلة اللي جاي يسألهالي أنا مستغربة أنه بيسألها تاني و هو جاي عنده خطة معينة جاي مرتب لها و بعد ما خلصنا سألني بتحبي ماجد المهندس و أنا قولتله عادي معرفوش أوي فقالي هسمعك أغنية و طلب مني أتصور و أرقص معاه و كل اللي حواليه بيلموا المعدات و الكاميرات و معرفش مين بيصور و مرضتش أكسفه و لكن قولتله مش هيبقى حلو أنا طويلة و لابسة كعب و هيبقى منظري مش حلو .
و أضافت الفنانة حورية فرغي : ليه مكنتش صريح معايا .. ازاي حد يقابل حد بعد خمس دقايق يقوله عايز تتجوزه .. هو عشان أنا عندي مشكلة فى مناخيري يبقى غلبانة بقى و يحصل فيا كدا .. هو سألني و قالي انتي متجوزة قلتله لأ أنا سنجل بقالي فترة كبيرة و مش فاكرة الكلام ده كان جوه الحلقة ولا براها .
كمت أن الفنانة حورية فرغلي أنفت كل ما تردد حول اتفاقها مع المذيع العراقي لتصدر تريند مواقع التواصل الاجتماعي عن طريق خطبتهما قائلة : أكيد مش متفقة معاه على تريند يعني هو أنا اللي رحت له العراق و اتفقت على اللقاء و بعدين أنا مش محتاجة كان مريب و هو من أول ما دخل كان غريب و بيصور كتير و معنديش أي مشكلة الحلقة تنزل عشان الناس هتعرف كده متفقة معاه و لا لأ .
