قامت الفنانة القديرة فريدة سيف النصر بالكشف عن تعرضها للسرقة عن طريق السيدة التي تقوم بمساعدتها في المنزل ، وذلك من خلال بوست قامت بنشره على حساب الرسمي الخاص بها علي موقع " فيس بوك " .
تصريحات الفنانة فريدة سيف النصر عن تعرضها للسرقة علي مواقع التواصل
قامت الفنانة فريدة سيف النصر بتصريح علي احد مواقع التواصل الاجتماعي عن اختفاء الكثير من متعلقاتها الشخصية بجانب اكسسواراتها ، و أطقم من المخدات و تشكيلة كبيرة من أدوات المطبخ .
وعلقت الفنانة فريدة علي ذلك قائلة :
"أنا بتسرق بقالي شوية حلوين ، لما يكون عندك حد نافعك اوي لأن مش اي حد يحب الكلاب ، وانت كل شوية حاجات بتتأخد بجد مش هزار وحاجات باينه أوي يعني هدوم مش أي حاجه لازم ينقصوا يتاخدوا على نصين مرتين واختفاء قسري، ترجع ترمي لك نص فاتتهيل انك انت اللي مادورتش وفجأه اختفاء كامل" .
واستكملت منشورها قائلة :
"ده بقى غير مفروشات قسما بالله اطقم كامله بمخداتها ونظارات اكسسوار جزم ادوات مطبخ كامله والله العظيم ما بقي في حاجه كامله خالص أول بأول ، ومافيش حد تاني بيعمل الحاجات دي خالص عشان تشك في اتنين أول ماتغير مكان حاجه بحجة النظام اعرف إنها هتاخدها أو تلخبط الإدراج وكله يتكعبل في كله، أما أنا فانشغل في حاجات وحاجتي فعلا تختفي أعمل إيه ، اواجهها وأنا مابحبش أحرج حد واجرحه ولا أمشيها واحتاس ودول عائلة كاملة نافعاني سواق نظافة ام مني غسيل ، ولا اروح عندهم على غفله زي ماقالولي ، وطبعا مش ممكن أبدا أعمل كده بس بجد زهقت ومحتارة ".
واختتمت المنشور :
" سرقه علني وطبعا بيتفتح عليا بالمفتاح وانا في سابع نومه ، ومع الأسف بدي الأمان لكل الناس ، تعبت والله تعبت حسبي الله ونعم الوكيل، قولولي اعمل إيه ؟" .
وقامت الفنانة فريدة سيف النصر بالمشاركة مؤخرًا في بطولة مسلسل " جعفر العمدة " رمضان 2023 والذي حقق نجاح جماهيري كبير في وقت عرضه بموسم رمضان الماضي ، وايضا شاركت بجانب النجمة نيللي كريم في طولة المسلسل " عملة نادرة " و كان ذلك وسط إشادات من قبل الكثير من النقاد والجمهور معاً على روعة ودقة أدائها في العملين .
