أجري الفنان فادي خفاجة، مكالمة هاتفية مع الإعلامي الكبير تامر أمين في برنامجه "آخر النهار" والذي تتم أذاعته على قناة النهار ، عن الأزمة الأخيرة على ابلكيشن " تيك توك " وقام فادي بتعبير ، عن مدي إستياءه وندمه بخصوص هذا البث المباشر الذي قام بتقديمه عبر حسابه الرسمي بموقع " تيك توك " وقال فادي، انه مش قادر يقول حاجة غير إنه كان وقتها في لحظة ضعف ، وبرضو أي شخص على وجه الأرض زي ما هو شايفه فنان، هو كمان إنسان قبل ما يكون فنان .
رد فادي خفاجه علي البث المباشر الخاص به علي تيك توك
حيث استكمل الفنان فادي خفاجه حديثه قائلاً :
" أنا لو الوقت رجع بيا ممكن معملش ده تاني وأنا اصلا مش عارف أنا عملته إزاي ، من الضغوطات ولا من اليأس، ولا من حالة السعي الكبيرة الي موصلتش بيها لحاجة ".
وقد تابع فادي :
"أنا ولا حصلت فنان ولا إنسان طبيعي وأنا لو سبت الناس وقعدت لحالي ولوحدي أنا معنديش اي إجابات وأنا بتسأل السؤال ده مليون مرة في اليوم ".
وأضاف ايضا في حديثه :
" أنا كل الأساتذة الكبيرة اللي أنا اشتغلت معاها، زي الاستاذ محمد صبحي، والاستاذ يحيى الفخراني، والاستاذ نور الشريف، وعاطف الطيب، كلهم كانوا دايماً طول الوقت بيشكروا فيا وده اداني أمل كبير، و شهادة الأساتذة الكبار دي تعتبر رسالة من ربنا إن أقدم بمعهد الفنون المسرحية ، واجتهدت كتير وأتخرجت بتقدير وكل ده راح فين ؟ ولما مثلت في مسلسل زي الاختيار كنت فقط ضيف شرف وده كان يعتبر شرف ليا وانتظرت وقتها أن أبواب ربنا تتفتح".
واستكمل فادي كلامه :
"وبعد كل التعب ده مفيش وأنا بس مش عارف أنا مابشتغلش ليه وأتحدى أي مخرج يقول إني أنا مبجيش في ميعادي ، أو اي منتج يقول إني أتناقشت معاه في الأجر محصلش ، وسعيت وروحت قابلت مخرجين بدون استدعاء وزمان كنا بنعرف نتقابل مع المخرج لكن دلوقتي لا ، لازم تبعت على الإيميل وتاخد ميعاد وحتى لو النظام ده كويس بس أنا مش عارف أتواصل معاه لأن وسط كل اللي الناس الي بتتقدم أنا مش هظهر".
واختتم قائلًا :
" أعز الزملاء ومواهب كتير أكبر مني كلنا بنتكلم مع بعض وبنسأل ليه مش بنشتغل ،و أنا بعتذر ومكنش ينفع نهائي اللي أنا عملته لكن أنا حصل معايا حاجتين أولاً جاتلي رسايل من أمام الكعبة ناس أنا معرفهاش بتدعيلي وناس كتير أخدت الفيديوهات وقطعتها وأنا مكنتش متخيل أن ناس تعمل كده" .
حيث قد ظهر الفنان فادي خفاجة ، في الساعات القليلة الماضية بأحد الفيديوهات على "تيك توك" وهو منهارا بسبب قلة مشاركته بالأعمال الفنية .
وجدير بذكر أن الفنان قام بتجسيد شخصية أحد أبناء سيناء في مسلسل "الاختيار" وهو كان من بطولة الفنان الكبير أمير كرارة، والنجم أحمد العوضي، والنجمة دينا فؤاد، وعدد كبير من الفنانين .
